Geguritan

“SLIRAMU SING DADI IMPIAN”

Dening; Sri Wulansari

Saben wengi  sliramu sing dadi pikiran

Nadyan swara batin kang ora bisa dingerti

Rong taun suwene nunggu sliramu

Tresna lan janjimu sing dadi geganjelan ing ati

       Kene aku namung bisa nunggu

       Nunggu tekamu ing pangarepanku

       Tresna kang abadi tak jaga ing atiku

       Nadyan ati ngrasa sepi

       Nanging ora dadi ngapa

       Doa lan setyaku tulus maring sliramu

       Sliramu sing dak tresnani

“WARUNG ANGKRINGAN”

Dening; Sri Wulansari

Saka adoh keton cetha grobakmu

Wujudmu sing dadi penasaran

Nadyan cilik bungkuse

Nanging gawe geganjelan ing weteng

       Ing warung pinggir dalan kuwi

       Aku nemoake wujudmu jogedan ing wajn

       Rasane gurih lan enak

       Dibatiri segelas es teh manis

Sanajan remeng-reng lampune

Dadi pangujane wong-wong

Angkringan kang setya

Gawe ganjel ing wayah wengi

“SURYA KANG ANGSLEP”

Dening; Sri Wulansari

Sore kang tumeka

Wayahe manuk-manuk kang padha ngandhang

Kene suryamu ketok angslep

Mertandha suryamu bakal ilang

Ilang ing bumi iki

       Ambane laut kang ketok  anteng

       Banyu biru kang padha playonan

       Gawe trenyuh ing ati iki

       Warna endah ing suryamu

       Gawe nentremake ing jroning ati

Nadyan ilang, nanging warnamu

Tekamu gawe bungahing atiku